Besteak 23 eka. 2025

Alessio Lisci, Osasunako entrenatzaile berria

Talde nafarrak akordioa lortu du entrenatzaile italiarrarekin datozen bi denboraldietarako

Club Atlético Osasunak akordioa lortu du Alessio Liscirekin datozen bi denboraldietan entrenatzaile gorritxoa izan dadin. Entrenatzaile italiarrak 2027ko ekainaren 30era arteko lotura sinatu du talde nafarrarekin. Gorritxoen entrenatzaile berriaren aurkezpena bihar izango da, ekainak 24, 17:00etan, Sadarren.

Alessio Lisci (1985eko azaroaren 4a; Erroma, Italia) Club Atlético Osasunara iritsi da Club Deportivo Mirandés taldearen buru izan ondoren. LaLiga Hypermotionen errebelazio handi gisa aritu da bere azkeneko taldea, 75 puntu lortuta. Lehen Mailara igotzeko playoffeko finalera iritsi da ere. Anduvan egondako bigarren sasoi honetan amaitu da iaz hasitako zikloa, taldeak zilarrezko kategorian jarraitzea lortu zuenean. Miranda de Ebron ibilbide bikaina egin baino lehen, Lisci futbol profesionalean ezagutarazi zen Levante Union Deportiva taldearen eskutik, eta bertan garatu zuen bere prestakuntzaren zatirik handiena.

Entrenatzaile italiarrak 2011/12 denboraldian ekin zion bere ibilbideari Espainian, Ohorezko Mailako Gazte Mailako teknikari laguntzaile gisa hasi zenean. Hamarkada batean zehar, Orriolseko klubean harrobiko entrenatzaile gisa merituak egin zituen, 2020an lehen taldeko teknikari bihurtu zen arte. 37 urte besterik ez zituela, 15 jardunalditan 7 puntu baino lortu ez zituen talde bat berpizteko lan zaila agindu zioten. Taldea zuzendu zuen gainerako 23 partidetan 28 puntu lortu bazituen ere, balantze osoa ez zen nahikoa izan txapelketaren hasieratik maldan gora jarri zen mailari eusteko.

Club Deportivo Mirandesen bi urtez lan bikaina egin ondoren, Alessio Liscik Club Atlético Osasuna entrenatzeko erronka hartu du 2025/26 denboraldian LaLiga EA Sportsen ilusioz beteriko denboraldiari begira.

Azken albisteak Guztia ikusi