LEhen Taldea 28 ira. 2025

Alessio Lisci: "Oso gaizki egon gara, gaurko partida ezin da pasa" 

Alessio Lisci Osasunako entrenatzaileak prentsaurrekoa eman du Betisen aurka galdu ostean (2-0). "Gaur oso gaizki egon gara, baina partida ezberdinak dira, eta argi dago zerbait konpondu behar dela, zero puntu egin ditugulako (etxetik kanpo), baina egoera ez da larria, gaurko partida da larria, ez baita gertatu behar", adierazi du teknikariak Sadarretik urrun bolada txarrari buruz galdetu diotenean. "Bat, etxetik kanpo izan dugun egutegia oso zaila da, etxetik kanpoko lehen hiru partidak ez dira batere txarrak, ez dugu horietako bat ere galtzea merezi izan, agian Real Madriden aurka, baina oso gutxi sortu ziguten, eta beste biek ez dugu galtzea merezi izan, gaur bai", azaldu du.

Hala, neurketari buruz esan duenez, "ez dizkiot merituak kendu nahi Betisi, nik uste dut gaur oso gaizki egon garela lehenengo gure erruz, gero ziurrenik Betisek bere partida egingo zuen, ez dakit besteak baino hobeto edo okerrago, ez dut eman nahi aurkariari merituak kentzen ari naizela, gu gaizki egon gara". "Bigarren zatiko lehen hamabost minutuetan gola sartzeko aukera izan dugu, ez dugu lortu, gero oso motel jokatu dugu,... Gauza asko daude eta ez dut horretan sartu nahi, partida txarra izan da eta gauza asko nik huts egin ditut. Ez dut xehetasun gehiagotan sartu nahi, aitzakia bila gabiltzala ematen baitu, eta gorroto dut aitzakiak bilatzea; gutxi dago gaurko partidari buruz hitz egiteko, errua nirea da eta ez da gertatu behar", zehaztu du.

Azken albisteak Guztia ikusi