Lehen Taldea 16 urt. 2026

Osasunak 143 sarrera zozketatuko ditu Rayo Vallecanoren aurkako partidarako 

Rayo Vallecanok bidalitako sarrerek 35 euroko prezioa dute

Club Atlético Osasunak 143 sarrera zozkatuko ditu bazkide eta 'Gorritxoa Naiz' txartelaren titularren artean, beharrezkoa izanez gero, Rayo Vallecanok eta Club Atletico Osasunak Vallecasen jokatuko duten Ligako 21. jardunaldiko partidarako.

Sarrerek 35 euroko prezioa dute. Erakunde gorritxoak bazkideei eta 'Gorritxoa Naiz' txartelaren titularrei bakarrik izena emateko epea irekiko die urtarrilaren 17an, larunbata, goizeko 9: 30etatik astelehenera arte.

Izen emateak Bazkidearen Arloaren bitartez egingo dira, ohi bezala, 'Taxoare eta Bisitaria' atalean. Behin inskripzioa eginda, ezin da desegin, eta izena ematen dutenek eta saridunak direnak, beren sarrera jaso behar dute, edo zigortu egingo dituzte, erakundearen estatutuetan jasotzen den bezala. Denboraldi honetan zigorra jaso dutenek ezin izango dute zozketan parte hartu.

Izena emateko epea amaituta, sarrerak baino izen-emate gehiago egonez gero, urtarrilaren 19an, astelehena, zozketa bat egingo da 143 saridunak zehazteko. Klubak SMS bat bidaliko die irabazleei.

Zozketaren emaitza jakinarazten denean, irabazleek Sadarreko bulegoetan jaso ahal izango dituzte sarrerak urtarrilaren 20an (asteartea) eta 21ean (asteazkena), 09:30etik 13:30era eta 16:00etatik 19:00etara.

Rayo Vallecanok adierazi duenez, sarrerak izendunak dira, eta estadioko sarreretan nortasun kontrolak egin daitezke.

Kanpoan egoteagatik Iruñean sarrerak erosi ezin dituztenak socios@osasuna.es-ekin harremanetan jarri ahal izango dira. Bertan, ordainketa nola egin eta partidaren egunean Madrilen sarrerak non jasoko diren adieraziko zaie.

Azken albisteak Guztia ikusi