Porrota Lluís Companysen (3-0)

F. C. BARCELONA 3-0 C. A. OSASUNA

F. C. Barcelona: Szczesny, Balde (Gerard Martín, min.83), I. Martínez, Gavi, Ferrán (Lewandowski, min.68), Pedri (Pau Victor, min. 84), Lamine Yamal, Dani Olmo (Fermín, min. 28), F. De Jong (Pablo Torre, min. 46), Kounde, Eric.

C. A. Osasuna: S. Herrera, Juan Cruz, Herrando, Moncayola, Ibáñez, Raúl (Budimir, min. 60), Aimar (Moi Gómez, min.61), Areso (R. Peña, min. 84), Iker Muñoz (Rubén García, min. 34), Jose Arnaiz (Boyomo, min.46), Catena.

Epaileak: Busquets Ferrer, García González eta Díaz González. Eric-i atera zion txartel horia etxeko taldean eta Sergio Herrera, Catena eta Juan Cruzi talde bisitarian.

Golak: 1-0, min. 11: Ferran Torres; 2-0, min. 21: Dani Olmo; 3-0, min. 77: Lewandoski.

Gorabeherak: Estadi Olimpic Lluís Companysen jokatutako LALIGA EASPORTSeko hogeita zazpigarren jardunaldiko partida. Partidaren hasieran minutu bateko isilunea egin zen, F. C. Barcelona taldeko Iñaki Peña jokalariaren aita hil baitzen.

Club Atlético Osasuna Barcelonaren aurka galdu zuen 3-0 Lluis Companysen. Ferran eta Olmoren gol goiztiarrak Barça bultzatu zuten, hasieratik nagusitasuna ezarri zuen eta erantzuteko eta Szczesnyren atean arriskua sortzeko ezgai izan zen Osasunaren aurka. Lewandowskik neurketa itxi zuen kontraeraso baten ostean, azken minutuetan gorritxoek aldea murrizten saiatu arren, alferrik.

Partida laster aldapa gora jarri zen gorritxoen interesentzat. Ferranek Sergio Herrera zigortu zuen partidan hamar minutu besterik ez zirenean igaro, kataluniarren jokaldi kolektibo on baten ostean. Zazpi minutu eskas geroago, epaileak penaltia adierazi zuen etxekoen alde. Sergio Herrerak Dani Olmoren asmoak asmatu eta jaurtiketa gelditu zuen. Hala ere, aldaratzea Moncayolak urrundu zuen, baina jaurtiketa egin aurretik arearen barruan zegoen. Epailea, VAR-ak abisatuta, penaltia errepikatzera behartu zuten, eta Dani Olmok engainatu egin zuen Sergio Herrera 2-0ekoa egiteko.

Vicente Morenoren taldeak ezin izan zuen erreakzionatu, eta atsedenaldira iritsi zen aurkariaren atean arriskurik sortu gabe.

Aldageletatik igaro ostean, Vicente Morenok sistema aldatu zuen, eta gorritxoek apurka-apurka aukeraren bat sortu zuten. Argienak Herrandok izan zuen, falta jaurtiketa batean, eta Moi Gómezek kontraeraso jokaldi on baten ostean. Hala ere, ez erdiko atzelariak ez erdilariak ez zuten asmatu. Amaierarako hamabost minutu baino gutxiago falta zirela, Lewandowskik kontraeraso bat baliatu zuen partida behin betiko erabakitzeko.

Horrela, Club Atlético Osasunak hamalaugarren postuan jarraitzen du, hogeita hamahiru punturekin. Gorritxoen hurrengo partida igandean izango da, 18:30ean, San Mamésen, Athletic Cluben aurka.