LEhen Taldea 29 ira. 2025

Entrenamendu saioa Sevillatik itzuli ostean 

Ruben Garcia entrenamenduetara itzuli da taldearekin

Club Atlético Osasuna gaur goizean entrenatu da Taxoaren, atzo Real Betisen aurka galdu ostean (2-0). Partida baten osteko saio batean ohikoa den bezala, plantilla bi lantaldetan banatu da jokatutako minutuen arabera. Gehien jokatu zutenek errekuperazio-lana egin dute, eta gainerakoek, berriz, konpentsazio-lana.

Rubén García taldearekin lanean hasi da berriro, arrazoi pertsonalengatik joan den egunetan alde egin ondoren. Bestalde, Juan Cruz ere berdegunean entrenatu ahal izan da, Betisen aurkako partidan parte hartzea galarazi zion erreakzio alergikoa izan ostean. Aimar Orozek errekuperazio prozesuarekin jarraitzen du.

Taldeak atsedena hartuko du bihar eta asteazkenean entrenamenduetara itzuliko da Sadarren ateak itxitako saio batekin Getaferen aurkako partida prestatzen hasteko (urriaren 3an, ostirala, 21:00etan, Sadarren). Ostegunean, Alessio Liscik zuzentzen duen taldea ate irekian entrenatuko da Taxoaren 11:00etatik aurrera.

Azken albisteak Guztia ikusi