Lehen Taldea 08 abu. 2026

Osasunak aurredenboraldiko azken lagunartekoan galdu du (0-2)

Gorritxoek Al Ainen aurka galdu zuten Sadarren

OSASUNA 0-2 AL AIN

Osasuna: S. Herrera, Herrando, Moncayola, Iker Muñoz, Aimar, Rubén García, Moi Gómez, Budimir, Abel Bretones, Catena eta Arguibide.

Al-Ain: Khalid Eisa, Rafael Vela, Yahya Ben Khaleq, Alejandro Romero 'Kaku', El Houssine Rahimi, Marcel Ratnik, Matias Palacios, Soufiane Rahimi, Ramy Rabia, Amadou Niang eta Abdulkarim Traore.

Epaileak: Jon Ander González, Judit Romano eta Ignacio Alonso. Txartel horia atera zien Moncayola eta Arguibideri etxeko taldean, eta Yahya Benkhaleq, Matias Palacios eta Jonatas Santosi bisitarian.

Golak: 0-1 (m.45): Soufiane Rahimi. 0-2 (m.73): Jonatas Santos.

Gorabeherak: Sadarren (10.315 ikusle) jokatutako aurredenboraldiko partidua.

Osasunak porrota jaso du Al Ainen aurka Osasunaren denboraldiaurreko azken partidan. Bisitariek partidako lehen gola sartu zuten lehen zatiaren amaieran eta ondoren, bigarren zatian eta kontraerasoko beste ekintza batean, talde emiratiarrak aldea handitu zuen.

Lehen zatian, Osasuna saiatu zen partida menderatzen jabetza luzeen bidez, nahiz eta ez zuen hutsunerik aurkitu talde emiratiaren defentsan. Minutuek aurrera egin ahala, partida berdintzen joan zen baloiaren nagusitasunari dagokionez, baina Osasunak arrisku egoera pare bat izan zituen Aimar eta Arguibideren area aurreko jaurtiketekin. 45. minutuan, Al Ainek kontraeraso bat gauzatu zuen, eta Houssine Rahimik Soufiane Rahimi lerro arteko pasearekin aurkitu zuen. Honek ebakia bota eta S. Herreraren atea gainditu zuen. Catenak izan zuen lehen zatiko azken aukera korner baten ondoren, baina Khalid Eisa atezainak errematea desbideratzea lortu zuen eta aukera horren ondoren lehen zatia bukatu zen.

Bigarren 45 minutuak aurkariaren areara iristea lortu zuen Osasunak. Horrela, gorritxoek hiru jaurtiketa egoera izan zituzten, argiena Morok izan zuen 55. minutuan, ezker hegaletik bere erremateak langarekin topo egin zuelarik. Minutuek aurrera egin ahala, Al Ainek jokoaren nagusitasuna berdintzea lortu zuen, eta, 73. minutuan, Ibrahima Juniorrek baloia berreskuratu zuen zelai erdian, Georgios Giakoumakisek Jonatas Santos korrika jar zezan. Jonatas Santosek S. Herreraren aurrean definitu eta 0-2koa jarri zuen markagailuan. Azken minutuetan saiatu da Osasuna aldeak murrizten, baina gorritxoek ez dute gola lortu.

Osasunaren hurrengo konpromisoa abuztuaren 16an izango da, igandea, 21:30ean. Gorritxoen debuta izango da 2026/27 denboraldian, LaLiga EA Sportsen, RC Celta Vigaren aurka, Abanca Balaidosen.

Azken albisteak Guztia ikusi