Kluba 15 urr. 2025

Mocay C. A. Osasunaren babesle ofizial bihurtu da 

Nafarroako marka erakundearen kafe ofiziala izango da datozen hiru denboraldietan, eta Sadarren zerbitzatuko da publiko orokorrarentzat.

Club Atlético Osasunak akordio bat sinatu du Mocayrekin, Pascualen Nafarroako kafe markarekin, datozen hiru denboraldietan klubaren babesle ofizial izan dadin. Horrela, entitatearen kafe ofiziala izango da denboraldi honetatik 2028ko ekainera arte, eta Sadar estadioko barra guztietan zerbitzatuko da, baita ospitale-guneetan eta klubak Taxoaren duen kirol-hirian ere.

Akordioa Sadarren sinatu da, eta bertan izan dira Luis Sabalza Club Atlético Osasunako presidentea eta Javier Peña Pascualen Kafe Negozioaren zuzendaria.

Gorritxoen agintaria pozik agertu da lotura sinatu ostean. "Osasunarentzat garrantzitsua da Mocay bezalako marken babesa izatea, lan, esfortzu eta gure lurraldean sustraitzea bezalako baloreak partekatzen ditugun enpresa nafarra. Gainera, akordioa urrats berri bat da gure bazkideentzako zerbitzuen hobekuntzan", nabarmendu du.

Bestalde, Javier Peñak nabarmendu du akordioa. "Aurten Taxoareko gure txigorlekuaren 25 urteen ospakizunari ginga jarri nahi genion, eta ez dago Nafarroako zaleekin konektatzeko modu hoberik Osasuna bezalako klub historiko bateko kafe ofiziala izatea baino. Mocayk eboluzionatzen jarraituko du, Nafarroako esentzia galdu gabe, eskualde honen garapen ekonomiko eta soziala bultzatuz, guretzat hain garrantzitsua baita", adierazi du.

Mocay, taxoaren egoitza duen nafarroako marka

Mocay Pascualen Nafarroako kafe-marka da, eta produktu-sorta zabala eta herrialde osoan lan egiten duten 10.000 ostalaritza-negozioetako bakoitzerako zerbitzu integrala eskaintzen ditu. Gainera, ostalariari laguntzen dio katilu bakoitzean kaferik onena lor dezan, produktua eta eskaintzen duen zerbitzua barne hartzen dituen balio-proposamen baten bidez.

2023. urtearen hasieratik, Mocay bihurtu zen torrefaktuaren ordez tueste naturalekoa jarri zuen lehen fabrikatzaile handia ostalaritzako kafe-sorta osoan, eta, horrela, markaren irudia eta produktuen kalitatea eta naturaltasuna hobetu zituen.

Azken albisteak Guztia ikusi