Taxoare 04 eka. 2026

Osasunak XXXIII. PAMESA LALIGA FC FUTURES Txapelketa Nazionala jokatuko du asteburu honetan 

2014an jaiotako Alebin 'A' eta 'B' taldeetako jokalariak Vila-realera joango dira Pamesa Kirol Hirian harrobien txapelketa ospetsua jokatzeko

Datorren ostiraletik aurrera PAMESA LALIGA FC FUTURES Txapelketa Nazionala jokatuko du Osasunak Villarreal CF-ren Pamesa Kirol Hirian. Gorritxoen espedizioa 2014. urtean jaiotako Alebin 'A' eta Alebin 'B' taldeetako jokalariek osatuko dute.

Gorritxoak D multzoan daude Sevilla FC, Villarreal CF, Atlético de Madrid eta Elche CF taldeekin batera. Nafarrek jokatuko duten lehen partida ekainaren 5ean izango da, ostiralean (10:00etan), Sevilla FC taldearen aurka. Ostiral arratsaldean, 17:30ean, anfitrioiaren aurka jokatuko dute, eta 19:00etan, Atletico Madrilen aurka. Multzoen fasea 20:30ean amaituko da, Elche CF taldearen aurka. Lau multzoetako lehenengo bi sailkatuek final-zortzirenetako fasea jokatuko dute, larunbatean 10:00etatik aurrera. Finalerdiak, hirugarren eta laugarren postuetarako partida eta finala ekainaren 7an jokatuko dira. Txapelketa zuzenean jarraitu ahal izango da Movistar+, DAZN, GOL, LALIGA TV BAR, LALIGA HYPERMOTION TV eta LALIGA+ bidez.

Gorritxoen espedizioa 12 jokalarik osatuko dute: Hector Jimenez, Iker Navarro, Alvaro Gomez, Dario Jimenez, Mikel Zunzarren, Aiur Espinal, Leo Cambero, Oier Carmona, Daniel Mañero, Oihan Gurbindo, Hodei Sagues eta Mateo Ozcoidi. Amaia Lopezek eta Ander Elkanok zuzenduko dute taldea. Gainera, Unai Perez prestatzaile fisiko bezala joango da eta Borja Arce atezainen entrenatzaile bezala. Era berean, Javier Torres eta Asier Izura "A" eta "B" Alebineko entrenatzaileek osatuko dute talde teknikoa, eta Pablo Martinez espedizioko buru izango da.

Agenda

Sevilla – Osasuna (ostirala, 10:00-etan)

Osasuna – Villarreal (ostirala, 17:30-etan)

Atlético de Madrid – Osasuna (ostirala, 19:00-etan)

Osasuna – Elche (ostirala, 20:30-etan)

Azken albisteak Guztia ikusi