Porrota Sadarren (0-2)

Osasunak porrota jaso du Espanyolen aurka, Robertok lehen zatian sartutako bi golekin

Osasunak porrota jaso du Espanyolen aurka (0-2) Sadarren, Robertok lehen zatian sartutako bi golekin.

Partidua hasi eta bereala Robertok sartu zuen trantsizio bat aprobetxatuz. Osasunak azkar erreakzionatu zuen eta, bi minutu geroago, Budimirren burukada bat langa urratuz joan zen. Jarraian, Raulek buruz egindako erremate bat izan zuen, desbideratuta atera zena, eta, hurrengo jokaldian, gorritxoen "9"ak falta argia izan zuen area barruan. Epaileak ez zuen penalti gisa adierazi, eta VARetik ez zen akatsa zuzendu. Robertok, geroxeago, defentsan hartutako erabaki txar bat aprobetxatu eta 0-2koa jarri zuen markagailuan. Hurrengo jokaldian, Ruben Garciak gola sartu zuen, baina epaileak gola baliogabetu zuen, baloiak atzeko lerroa gainditu baitzuen Kike Barjaren erdiraketa baino lehen. Minutuek aurrera egin ahala, Osasunak kontrol handiagoa izan du, baina ez du aldea murrizteko aukera argirik izan, Iker Muñozek egindako errematea izan ezik.

Bigarren zatian, Luis Miguel Ramisek aldaketak egin zituen aldea murrizteko tantoaren bila, eta Osasunak baloiaren jabetza handiagoa izatea lortu zuen. Hala ere, gorritxoen saiakerek ez zuten errematatzailerik aurkitu. Partidaren azken txanpan, bai Dubasinek, arearen bihotzetik egindako erremate argiarekin, bai Morok, aurrealdetik egindako jaurtiketa batekin, gorritxoen gola bilatu zuten, baina bietan Dmitrovicek baloia harrapatu zuen.

Osasunaren hurrengo partida irailaren 16an izango da, asteazkena, Atletico Madriden aurka, Riyadh Air Metropolitanon, 19:00etatik aurrera.