Osasuna gaur goizean aritu da Taxoaren, ateak irekita, Sevillatik itzuli eta gero. Atzo puntu bat lortu zuen Betisen aurkako partidan. Horrela, talde gorritxoa Atletico Madriden aurkako partida prestatzen hasi da (maiatzaren 15ean, osteguna, 19:00etan, Sadarren), ohi bezala, partida baten ondorengo egunetan bi lantaldetan banatu den saioarekin. Minutu gehien jokatu zituzten jokalariek errekuperazio lana egin dute, eta gainerakoek, berriz, konpentsazio lana.

Bestalde, Moncayolak errekuperazio lanarekin jarraitu du. Osasuna Promesaseko Pablo Valencia jokalariak taldearekin osatu du saioa.

Talde gorritxoa bihar entrenatuko da Taxoaren, 10:30etik aurrera, ateak irekita, eta asteazkenean Atletico Madriden aurkako partida prestatzen amaituko du, Sadarren ateak itxita. Talde madrildarraren aurkako partidaren ostean, Osasunak Espanyolen aurkako partida prestatuko du (maiatzak 18, igandea, 19:00etan, Sadarren), bi entrenamendu saioekin. Lehenengoa ostiralean izango da, ateak irekita, Taxoaren, 10:30etik aurrera; larunbatean, berriz, ateak itxita, Sadarren.