Osasuna Genuine denboraldiaren amaierara hurbiltzen ari da eta asteburu honetan LALIGA Genuine txapelketaren hirugarren fasea jokatuko du Burgosen.

Talde gorritxoak bihar joango da Burgosera. Horrela, gorritxoek Eibarren aurka jokatuko dute larunbat arratsaldean (17:00etan) eta Fuenlabradaren aurka igande goizean (11:00etan).

Fase honetarako deialdia jokalari hauek osatzen dute: Juan Carlos Santana, David Barrio, Iker Prat, Raúl Xabier Capablo, Ismael Dione, Asier Bolívar, Denisse Vanesa Vera, Oier Altuna, Alberto Fernández, Urko Hualde, Ioar Barreneche, Pablo Márquez, Rubén Flores, Aritz García, Danny Fabricio Salao eta Aimar Aguirre. Talde teknikoa, berriz, Ibai Merinok, Mikel Satrustegik, Javier Perujok eta Isabel Sanchezek osatuko dute.