Bihar, 16:30ean, irekiko da epea Club Atlético Osasunako bazkideek eta ‘Gorritxoa Naiz' txartelaren kideek Nesken Osasunaren hurrengo partidako sarrerak doan eskuratu ahal izateko. Neurketa Taxoaren jokatuko da, martxoaren 29an, larunbatean, 16:00etan, Primera Federación Femeninako 23. jardunaldian, eta Osasunak kategoriako liderrordea, Alavés, jasoko du.

Interesdunek klubaren webguneko ‘Bazkidearen Gunean’ eskuratu ahal izango dituzte sarrerak, partida egunean bertan, 10:00ak arte, betiere edukiera bete ez bada.

Bazkide eta ‘Gorritxoa Naiz’ kideentzako epea amaitu ondoren sarrerak geratzen badira, hauek Taxoareko txarteldegian salduko dira, partida hasi baino ordubete lehenago. Prezioak honakoak izango dira: 10 euro publiko orokorrarentzat, 5 euro 14 eta 17 urte bitartekoentzat (biak barne), doakoa 14 urtetik beherakoentzat.