Osasunak berdinketa lortu zuen Ipuruan (0-0). Eibarko Kirol Elkartearen zelaian puntuak lortzea beti meritu handikoa den arren, gorritxoek sortutako aukera kopuruak ikusita sari txikia lortu du. Enric Gallegok, Callerik, Ruben Garciak edo David Garciak izan zituzten aukerarik onenak tentsio handiko neurketa bat desorekatzeko; aurkaria itotzen eta aurkariaren zelaian ahalik eta denbora gehien egoten saiatzen diren bi talderen ezaugarria. Partidako notarik negatiboena Calleriren lesioa izan zen, lehen zatian ordezkatua izatera behartu zuena.

Enric Gallegok buruz area barruan eta Calleri bakar bakarrik ate aurrean izan dituzte aukera argienak. Eibarrek ere irabazteko aukerak izan ditu, batez ere azken txanpan jaurtiketa bat zutoinean jo duenean. Azkeneako minutuetan, bi taldeak nor baino nor, biek arriskua sortu dute aukariaren arean, baina azkenean hutsekoarekin amaitu da norgehiagoka.