ALBISTEAK

Jagoba Arrasate: "Une berezia da, nahi dudan lekuan nago eta gauza asko ditugu oraindik egiteko"

Arrasatek prentsaurreko bat eskaini du El Sadarren, Luis Sabalza lehendakariak eta Braulio Vazquez kirol zuzendariak lagunduta, 2022ra arte berritu ondoren.

Itzuli

19/11/2019 22:04

Gaur arratsaldean, El Sadarreko prentsa aretoan, Jagoba Arrasate Osasuna Klub Atletikoko entrenatzaileak prentsaurreko bat eskaini du atzo 2022ra arte berritu duela jakin ondoren. Berriatuakoa laguntzen entitateko lehendakari Luis Sabalza eta Kirol Zuzendari Braulio Vazquez izan dira. Lehendakaria izan da hitza hartu duen lehena. "Gaur egunik pozgarrienetako bat da entitate honen lehendakari bihurtu nintzenetik. Badakizue une txarra ere bizi izan ditudala eta, horregatik, ilusio handiarekin bildu zaituztegu gaur hemen, Jagoba Arrasateren berritzea aurkezteko. Berarekin batera, Bittor Alkiza bigarren entrenatzaile eta Sergi Perez prestatzaile fisikoaren berritzeak ere. Oso merezitako saria da hau eta Osasuna sentitzen dugun guztiok gogoz espero genuena. Horregatik, 2022ra arte elkarrekin jarraitzea adostu dugu. Modu honetan, Jagoba Arrasate Osasunaren mendeurreneko entrenatzailea izango da. Heldu zinenetik sortu duzun magia horri eutsi nahi diogu eta, beraz, luzapen hau albiste onena da. Zorterik onena opa nahi dizut", esan du Sabalzak.

Ondoren, Braulio Vazquezek ere hitz batzuk eskaini dizkio Berriatuako entrenatzaileari. "Jagoba Arrasate jende askoren izenean dago hemen. Sergi, Bittor, Juacho, Richard, mediku eta fisio guztiak…jende askori esker eguneroko lana errazagoa da eta horiek gabe ezinezkoa litzateke dena aurrera ateratzea. Ziur nago Jagoba eta bere talde teknikoa pertsonarik aproposenak direla Osasuna gidatzeko", esan du kirol zuzendariak.

Azkenik, arratsaldeko protagonistak hartu du hitza. Lagundu duten guztiei eskerrak eman nahi izan dizkie Arrasatek. "Eskerrak lehendakariari, zuzendaritza batzordeari eta kirol zuzendariari. Niretzako oso momentu berezi da hau, nahi dudan lekuan nago eta gauza asko ditugu oraindik egiteko. Aldi berean lan talde guztiari eskerrak eman nahi dizkiot, bereziki Bittor eta Sergiri. Baita ere jokalariei, azkenean gaur hemen gaude jokalariek euren lana ongi egin dutelako. Zirkulu hori ixteko, zaleei ere eskerrak eman nahi dizkiet. Beti hor egon dira eta horrela sentitu dugu. Pertsonalki momentu bikaina da, bai familiarentzat eta baita niretzat futbol munduan. Gauzak ongi irteten ari dira momentuz baina jarraitu egin behar dugu. Gainera, ilusio berezia egiten digu mendeurrena ospatzea eta gu entrenatzaileak izatea. Espero dezagun klub handi honen mendeurrena Lehen Mailan izatea", esan du Arrasatek.

Renovación de Jagoba Arrasate

Gai zerrenda

14 ABU

Igandea Estadio El Sadar

Partidua

Jardunaldia1 CA Osasuna - Sevilla FC

21 ABU

Igandea Estadio El Sadar

Partidua

Jardunaldia2 CA Osasuna - Cádiz CF

28 ABU

Igandea Estadio Benito Villamarín

Partidua

Jardunaldia3 Real Betis - CA Osasuna

04 IR

Igandea Estadio El Sadar

Partidua

Jardunaldia4 CA Osasuna - Rayo Vallecano

11 IR

Igandea Estadio de los Juegos Mediterráneos

Partidua

Jardunaldia5 UD Almería - CA Osasuna

18 IR

Igandea Estadio El Sadar

Partidua

Jardunaldia6 CA Osasuna - Getafe CF

02 URR

Igandea Estadio Santiago Bernabéu

Partidua

Jardunaldia7 Real Madrid - CA Osasuna

Sailkapena

Ptak.JKIPBPGPGAGK
1 Athletic Club 0000000
2 FC Barcelona 0000000
3 RCD Espanyol de Barcelona 0000000
4 Real Madrid 0000000
5 Atlético de Madrid 0000000
6 Sevilla FC 0000000
7 Real Betis 0000000
8 Real Sociedad 0000000
9 Cádiz CF 0000000
10 RCD Mallorca 0000000
11 Valencia CF 0000000
12 CA Osasuna 0000000
13 Elche CF 0000000
14 Villarreal CF 0000000
15 RC Celta 0000000
16 Rayo Vallecano 0000000
17 Real Valladolid CF 0000000
18 Girona FC 0000000
19 Getafe CF 0000000
20 UD Almería 0000000