Osasunak Real Club Deportivo Espanyol izango du aurkari Gazteen Errege Kopako final-zortzirenetan. Norgehiagoka Taxoaren jokatuko da, otsailaren 27an, igandean, eta Miguel Flañoren taldeak Deportivo Alaves 3-2 mendean hartu ondoren Kopako bigarren kanporaketari dagokio.

Real Club Deportivo Espanyol Ohorezko Gazte Mailako III. multzoko bigarren postuan doa, gazteen maila gorena osatzen duten zazpi taldeen artean zorrotzenetakoa. 19 jardunaldi jokatu ondoren, talde katalanak 43 puntu ditu, liderra den Barçak baino zazpi gutxiago, eta Zaragozak baino zortzi gehiago. Kopan, Cornellako taldeak final-zortzirenetarako txartela lortu zuen, R. C. D. Mallorcari 2-1 irabazi ondoren.