Web Oficial del CA Osasuna
2010/07/26 - 2010/08/01
Osasunak Damiá fitxatu du
Damiá Abella Pérez da CA Osasunaren laugarren fitxaketa 2010/2011 denboraldirako. Entitate gorritxoa eta jokalari katalana akordio batera iritsi dira futbolariak hurrengo hiru urtean klubean joka dezan. Damiá libre dator Real Betis taldetik, eta bere deuseztatze klausula sei milioi eurokoa izanen da. Honakoak izan dira Osasunako jokalari gisa esandako lehen hitzak: “Osasunara etortzea errealitate bilakatu da azkenean. Ongi joango ahal da dena niretzat; etortzeko gogo handia nuen. Jende guztiak oso ongi hitz egin dit bai hiriaz, bai klubaz, eta hor zegoen beti hona etortzeko aukera, eta azkenean iritsi da”.
2010/2011ko Astore bilduma
Jorge Oteiza museoa, Altzuzan, aukeratu zen CA Osasunak hurrengo denboraldian izanen dituen ekipamendu ofizialen aurkezpen ofiziala egiteko. Osasunako jokalariak zenbait taldetan banatu ziren eta artistaren obra batzuen barnean integratu ziren aurkezpena egiteko. Patxi Puñal kapitainak lehen ekipamendua aurkeztu zuen. Kamisetak Osasunaren ezaugarri den gorri ilun kolorea mantentzen du, eta itsaso-urdin koloreko apaingarri batzuk ditu, galtzarekin bat egiten dutenak. Josetxok, bere aldetik, kolore zuriko bigarren ekipamendua aurkeztu zuen. Horrek bi zerrenda gorri-beltz ditu; izan ere, horiexek dira Sportiva eta New Club taldeen koloreak –horiek bat egin eta gero sortu zen CA Osasuna–. Halaber, jendaurrean aurkeztu ziren atezainaren jantzia, entrenatzeko eta paseatzekoak, baita zaleentzako osagarriak ere. Heldu den abuztuaren hasieran hasiko da merkaturatzen 2010/2011 denboraldirako jantzien bilduma berria.
Osasunak UD Almería taldearen aurka jokatuko du Ligako lehen partida
Las Rozaseko futbol hirian (Madril) egin zen joan den uztailaren 20an Lehen Mailako Liga Txapelketa Nazionala — BBVA Ligaren egutegiaren zozketa, datorren denboraldiari dagokiona. Zozketaren emaitzaren arabera UD Almería taldearen aurka jokatuko du CA Osasunak Ligako lehen partidan. Partida Nafarroako Erresuma futbol-zelaian jokatuko da. Ligako azken jardunaldia Iruñean ere jokatuko dute gorritxoek, Vila-Real taldearen aurka. Lehen Mailako Liga Txapelketa Nazionala — BBVA Liga 2010eko abuztuaren 28 eta 29ko asteburuan hasiko da, eta 2011ko maiatzaren 21 eta 22ko asteburuan bukatu.
Denboraldiaurrea Jerezen
CA Osasuna joan den uztailaren 21ean, osteguna, hasi zen Jerez de la Fronterako Montecastillo hotelean egindako elkarretaratzea. Bertan egonen dira uztailaren 30 arte, ostirala, eta horrela jarraituko dute joan den uztailaren 15ean Taxoareko instalazioetan hasitako denboraldiaurreko lanarekin. 28 jokalari eraman ditu José Antonio Camachok elkarretaratze horretara: Ricardo, Asier Riesgo, Nacho Zabal, Imanol Elías, Miguel Flaño, Calleja, Monreal, Josetxo, Oier, Ekhi, Echaide, Sergio, Roversio, Damíá, Nekounam, Masoud, Vadócz, Delporte, Puñal, Annunziata, Rúper, Camuñas, Juanfran, Soriano, Aranda, Kike Sola, Pandiani eta Lekic.
Artxiboa
- Iraila 2007
- Abuztua 2007
- Urria 2007
- Azaroa 2007
- 2007
- Abendua 2008
- Otsaila 2008
- Martxoa 2008
- Apirila 2008
- Maiatza 2008
- Ekaina 2008
- Uztaila 2008
- Abuztua 2008
- Iraila 2008
- Urria 2008
- Azaroa 2008
- 2008
- Abendua 2009
- Otsaila 2009
- Martxoa 2009
- Apirila 2009
- Maiatza 2009
- Ekaina 2009
- Uztaila 2009
- Abuztua 2009
- Iraila 2009
- Urria 2009
- Azaroa 2009
- 2009
- Abendua 2010
- Otsaila 2010
- Martxoa 2010
- Apirila 2010
- Maiatza 2010
- Ekaina 2010
- Uztaila 2010
(C) 2006-2008 Club Atlético Osasuna
Nafarroako Erresuma estadioa. Sadar kalea, z.g. 31006. Iruña (Nafarroa, Espainia) | osasuna@osasuna.es | Telefonoa: +34 948 152 636 | Faxa: +34 948 151 655
Ilusiona, Creatividad en Ineternet enpresak garatutako proiektua